Braziliya Prezidenti koronavirusga chalinganini tan oldi

Braziliya Prezidenti Jair Bolsonaru allaqachon koronavirus bilan simptomsiz kasallangan bo‘lishi mumkinligini tan oldi. Shu sabab u virus bor-yo‘qligini tekshirish uchun antitanchalar sinovini o‘tkazmoqchi ekanligini aytdi.

"Menda koronavirus bor yoki yo‘qligini bilmayman. Ilgari ikkita test topshirdim, ikkalasi ham javobi salbiy chiqdi. Ba’zilar menda koronavirus bor deb o‘ylashadi, men hech narsani sezmadim, bilmayman. Balki yana bir test o‘tkazishim kerakdir. Menda antitanchalar bor, deb o‘ylayman”, dedi Bolsonaru.

Braziliya Federal sudi Bolsonaru o‘zining tahlillari natijalarini COVID-19 ga xabar qilishi kerakligi haqida qaror chiqargan edi. May oyi o‘rtalarida hukumat ilgari o‘tkazilgan test natijalarini Oliy sudga topshirgan.

Mart oyida Bolsonaru delegatsiya hamrohligida Qo‘shma Shtatlarga tashrif buyurdi. Shundan so‘ng 20 dan ortiq delegatsiya a’zolari koronavirus bilan kasallanishdi. Prezident bir necha marta test o‘tkazdi, shu bilan birga infeksiyadan zararlanganini inkor qilib keldi.

Federal sud Bolsonaruga jamoat joylarida niqob taqishni buyurdi. Aks holda, u kuniga 2000 real (taxminan 387 AQSH dollari) miqdorida jarimaga tortilishi mumkin.

Bolsonaru Braziliyadagi shtatlarda COVID-19 koronavirus infeksiyasining tarqalishiga qarshi kurashish uchun savdo va xizmatlarni cheklovchi qoidalarni faol tanqid qiladi. "Xavf ostida bo‘lgan va 60 yoshdan oshgan fuqarolar uyda qolishi kerak”, degan fikrni qo‘llab-quvvatlaydi.

Prezident, shuningdek, Brazilyaning ko‘chalarida, uning tarafdorlari mitinglar yoki namoyishlar paytida niqob va qo‘lqopsiz bir necha marta paydo bo‘lgan. U tarafdorlari bilan gaplashgan va suratga tushgan, lekin ijtimoiy masofani saqlamagan.