BP To‘ra Bobolovga tegishli ekani aytilgan haqoratlarga to‘la audio bo‘yicha tekshiruv boshladi
Jamiyat
−
18 avgust 2022 15060
Bugun, 18 avgust kuni ijtimoiy tarmoqlarda Surxondaryo viloyati hokimi To‘ra Bobolovga tegishliligi ta’kidlanib, tarqatilgan audioyozuvlar bo‘yicha tekshiruv boshlandi. Bu haqda Bosh prokuratura Matbuot xizmati xabar berdi.
Ijtimoiy tarmoqlarda Surxondaryo viloyati hokimi T.Bobolovga tegishliligi ta’kidlanib, tarqatilgan audioyozuvlarning haqqoniyligi, qachon, qayerda va qanday holatlarda yuz berganligi hamda boshqa holatlar Bosh prokuratura tomonidan o‘rganilmoqda”, deyiladi munosabatda.
Eslatib o‘tamiz, audioyozuvda hokim ekani aytilgan shaxs Angor tumani prokurorini kurakda turmaydigan so‘zlar bilan haqoratlagan. O‘z navbatida, huquq himoyachisi ham hokimga javob qaytargan.
Surxondaryo viloyati hokimligi audioyozuv fevral oyida o‘tkazilgan hokim soatidan yozib olingani va montaj qilinib, turlicha talqin qilinayotganini bildirdi.
Live
Barchasi
