Bosh prokuratura va Adliya vazirligi multimedia markazlari MTRKga o‘tkazildi
Jamiyat
−
20 mart 2019 7682
O‘zbekiston Respublikasi Bosh prokuraturasi huzuridagi Axborot-tahlil multimedia markazi va Adliya vazirligi qoshidagi Axborot-tahlil multimedia markazi qaytadan tashkil etildi. Mazkur xabarni QALAMPIR.UZ'ga Bosh prokuratura Matbuot xizmati tasdiqladi.
Har ikki idoraning Axborot-tahlil multimedia markazi O‘zbekiston Milliy teleradiokompaniyasi tarkibiga kiritilmoqda.
“Multimedia-tahlil markazi MTRK tarkibiga o‘tkazildi. Bundan maqsad Bosh prokuratura va Adliya vazirligining axborot-tahlili borasidagi yutuqlarini MTRK huzurida birlashtirish va faollashtirish”, dedi Bosh prokuratura Matbuot xizmati rahbari Surayyo Rahmonova.
Bosh prokuratura huzuridagi axborot-tahlil multimedia markazi o‘tgan yili yanvarda, Adliya vazirligi huzurida axborot-tahlil multimedia markazi esa 2019 yilning 1 fevral kuni rasman ish boshlagandi.
Live
Barchasi
