Bishkekda mansabdor shaxslarga haftasiga ikki kun shaxsiy avtomobillarni haydash taqiqlandi

Qirg‘iziston poytaxti Bishkekda seshanba va payshanba kunlari shahar meriyasi xodimlari va munitsipal xizmatchilarga shaxsiy avtomobillardan foydalanish taqiqlandi. Tegishli hujjatni Bishkek meri Aybek Junushaliyev imzoladi.

Hujjatga muvofiq, poytaxt hokimligi markaziy apparati, idoraviy va hududiy boshqarmalar, shahar korxona va muassasalari xodimlari va bo‘limlari rahbarlari:

• har hafta seshanba va payshanba kunlari shahar bo‘ylab harakatlanish uchun faqat jamoat transportidan foydalanishi;
• jamoat transportida sayohat qilishda ular haydovchining sanitariya me’yorlariga, xizmat ko‘rsatish sifati va to‘lov usullariga rioya qilishini nazorat qilishi;
• kompaniya avtomobillaridan faqat ish uchun foydalanishi kerak.

Shahar hokimligining Transport va avtomobil infratuzilmasini rivojlantirish departamenti esa joylardan tashqarida o‘tkaziladigan yig‘ilishlar uchun tashishni tashkil etishi belgilandi. Hujjatga ko‘ra, hokimlik apparatining idoraviy va hududiy boshqarmalari, shahar korxona va muassasalar rahbarlari har oyning 25-sanasiga qadar amalga oshirilgan ishlar yuzasidan hisobot taqdim etishlari shart.

Eslatib o‘tamiz, O‘zbekistonda har oyning to‘rtinchi chorshanba kuni "Avtomobilsiz kun" aksiyasi o‘tkazilishi, mazkur loyihada vazirlik va idoralar, hududiy ijro etuvchi hokimiyat organlarining rahbar va mas’ul xodimlari ish joyiga jamoat transportida kelib, namuna ko‘rsatib borishi belgilangandi.