Besh nafar sudyaning vakolati muddatidan oldin tugatildi

Samarqand va Toshkent viloyatlari hamda poytaxtda besh nafar sudyaning vakolati muddatidan oldin tugatildi. Bu haqda Sudyalar oliy kengashining kecha, 9 avgust kuni o‘tkazilgan yig‘ilishida qaror qabul qilingan.

Muhokamalar yakunida Kengash qarori bilan: 

•    Samarqand viloyati fuqarolik ishlari bo‘yicha Samarqand shahar sudining sudyasi S. Tursunov;

•    Toshkent shahar jinoyat ishlari bo‘yicha Shayxontahur tuman sudining sudyasi A. Yuldashev;

•    Toshkent viloyati jinoyat ishlari bo‘yicha Olmaliq shahar sudining sudyasi  B. Jo‘rabekov yozma arizalariga ko‘ra;

•    Toshkent shahar sudining iqtisodiy ishlari bo‘yicha sudyasi I. Xakimova odil sudlovni amalga oshirishda qonuniylikni buzganligi uchun;

•    Samarqand viloyati jinoyat ishlari bo‘yicha Payariq tuman sudining raisi Sh.Sharipov vafot etganligi sababli lavozimlaridan ozod etilib, vakolatlari muddatidan ilgari tugatildi.