Berlinda Merkel bilan xayrlashish marosimi o‘tkazildi (video)

Berlinda, Germaniya Federativ Respublikasi Mudofaa vazirligi hovlisida Angela Merkelni hukumat rahbari lavozimidan kuzatishga bag‘ishlangan tantanali marosim bo‘lib o‘tdi.

An’anaga ko‘ra, yuqori martabali siyosatchi vidolashuv marosimi uchun bir nechta musiqani tanlashi mumkin. Merkel nemis pank-rok qo‘shiqchisi Nina Xagenning “Sen rangli tasmani unutding” (Du hast den Farbfilm vergessen) qo‘shig‘ini tanladi. Merkelning so‘zlariga ko‘ra, bu qo‘shiqchining ijodi “yoshligidagi eng yorqin voqealardan biri” edi.

Harbiy orkestr, shuningdek, 1950-yillarning mashhur nemis qo‘shiqchisi va aktrisasi Hildegard Knefning qo‘shig‘ini, shuningdek, cherkov kompozitsiyasini ijro etdi. Marosim davlat madhiyasi ijrosi bilan yakunlandi.

Marosimda harbiylar qo‘lida mash’ala bilan harbiy marsh ham o‘tkazdi.

Merkel yana bir necha kun kansler vazifasini bajaruvchi bo‘lib qoladi. Bundestag uning o‘rinbosari Olaf Sholsga ovoz bergach, u ketadi. Shu kuni uning idorasi qasamyodga tayyorlanadi.

Ma’lumot o‘rnida, hokimiyatdan ketayotgan Merkel 15 ming yevroga yaqin pensiya olishi kutilmoqda. 

Merkel 2005 yildan beri (to‘rt muddat) Germaniya kansleri lavozimini egallab kelgan, shuningdek, Xristian-Demokratik Ittifoqiga raislik qilgan. U 2018 yilda keyingi muddat oxirida lavozimidan ketishini e’lon qilgan. U navbatdagi saylovlarga uch yil qolganida yosh siyosatchilar mas’uliyatni o‘z zimmasiga olishi va partiyani tayyorlashi uchun bayonot bergan. Hukumat rahbari Merkelning vakolat muddati tugashi haqidagi xabar 26 oktyabr kuni e’lon qilingan. U yangi Vazirlar Mahkamasi shakllanmaguncha kansler lavozimida ishlaydi.