Benzema yangi klubida muvaffaqiyatli debyut qildi (video)
Sport
−
28 iyul 2023 9524 1 daqiqa
Fransiyalik hujumchi Karim Benzema “Al-Ittihod”dagi debyutida bitta gol urdi va golli uzatmani amalga oshirdi.
Futbolchi Arab chempionlari kubogi bahsining 55-daqiqasida (2:1) “Esperans” klubi darvozasini ishg‘ol qildi. Hujumchi 35-daqiqada birinchi golga uzatma berdi.
“Oltin to‘p” sohibi shu yozda “Real”dan “Al-Ittihod”ga ko‘chib o‘tgandi. Shuningdek, ushbu o‘yinda “Chelsi”ning sobiq yarim himoyachisi Ngolo Kante ham “Al-Ittihod” safida debyut qildi.
“Al-Ittihod” keyingi o‘yinini “Sfaksen” jamoasiga qarshi o‘tkazadi. Bahs Arab chempionlari kubogi 2-turi doirasida bo‘lib o‘tadi.
