Bellingem “Real Madrid” bilan uzoq muddatli shartnoma imzoladi
Sport
−
26 may 2023 4097
Ispanyaning “Real Madrid” klubi “Borussiya Dortmund” yarim himoyachisi Jud Bellingem bilan shartnoma imzoladi. Bu haqda jurnalist Fabritsio Romano o‘z Twitter sahifasida ma’lum qildi.
Qayd etilishicha, 19 yoshli futbolchining “Real” bilan imzolagan shartnomasi 2029 yilning iyunigacha amal qiladi. Transferning so‘nggi ishlari keyingi haftada amalga oshiriladi.
“Qaymoqranglilar” ingliz sportchisi uchun 100 million yevro to‘lab beradi. Shuningdek, maosh mavsumdan-mavsumga yaxshilanib, uning miqdori Judning natijalariga qarab doimiy o‘zgarib boradi.
Ma’lumot uchun, Bellingem Angliya terma jamoasi safida to‘p suradi. U Jahon chempionatida 1 ta gol urishga muvaffaq bo‘lgan. Angliyalik futbolchi “Borussiya” bilan 2020-21 yilgi mavsumda Germaniya kubogini qo‘lga kiritgan va bu hozircha uning faoliyatidagi yagona jamoaviy yutuq bo‘lib turibdi.
Muhsinjon Umurzoqov
