Беллингем “Реал Мадрид” билан узоқ муддатли шартнома имзолади
Спорт
−
26 Май 2023 3798
Испанянинг “Реал Мадрид” клуби “Боруссия Дортмунд” ярим ҳимоячиси Жуд Беллингем билан шартнома имзолади. Бу ҳақда журналист Фабрицио Романо ўз Twitter саҳифасида маълум қилди.
Қайд этилишича, 19 ёшли футболчининг “Реал” билан имзолаган шартномаси 2029 йилнинг июнигача амал қилади. Трансфернинг сўнгги ишлари кейинги ҳафтада амалга оширилади.
“Қаймоқранглилар” инглиз спортчиси учун 100 миллион евро тўлаб беради. Шунингдек, маош мавсумдан-мавсумга яхшиланиб, унинг миқдори Жуднинг натижаларига қараб доимий ўзгариб боради.
Маълумот учун, Беллингем Англия терма жамоаси сафида тўп суради. У Жаҳон чемпионатида 1 та гол уришга муваффақ бўлган. Англиялик футболчи “Боруссия” билан 2020-21 йилги мавсумда Германия кубогини қўлга киритган ва бу ҳозирча унинг фаолиятидаги ягона жамоавий ютуқ бўлиб турибди.
Муҳсинжон Умурзоқов
Live
Барчаси
