Bellingem La Liganing 72 yillik rekordini takrorladi
Sport
−
09:28712
“Real Madrid”ning angliyalik yarim himoyachisi Jud Bellingem 72 yil avval Ispaniya chempionatida o‘rnatilgan rekordni takrorladi. Bu haqda Mister Chip X sahifasi xabar berdi.
Manbaga ko‘ra, La Liganing ketma-ket olti uchrashuvida gol urgan Bellingem “qaymoqranglilar”ning sobiq yarim himoyachisi Roke Olsendan keyin hujumchi bo‘lmasa ham bunday seriyani qayd etgan birinchi futbolchi bo‘ldi.
La Liganing 17-turida “Rayo Valekano” darvozasiga urilgan goldan (3:3) tashqari, Bellingem “Jirona”, “Atletik”, “Xetafe”, “Leganes” va “Osasuna” kabi klublar darvozasini ishg‘ol qildi.
Ma’lumot uchun, joriy mavsumda Jud klub safida barcha musobaqalarda 19 ta o‘yinda maydonga tushib, 7 ta gol urdi va 4 ta golli uzatmani amalga oshirgan. U “Real” safida noyabr oyining eng yaxshi futbolchisi, deb topildi.
