Belarus muxolifati mitinglar o‘tkazish uchun ssenariylar ko‘rib chiqmoqda

Belarus Davlat Xavfsizlik Qo‘mitasi (KGB) rahbari Ivan Tertel joriy yilning 25-27 mart kunlari Belarusda bo‘lib o‘tadigan norozilik namoyishlarining uchta ssenariysi haqida gapirdi. Bu haqda "Belarus-1" telekanali xabar bergan. 

Uning ta’kidlashicha, Belarus muxolifati mitinglar o‘tkazish uchun bir nechta ssenariylarni ko‘rib chiqmoqda. 

Uning so‘zlariga ko‘ra, ssenariylardan biri doirasida muxolifat bir kunlik ozodlik uchun ariza berishni niyat qilgan: ular Yoqub Kolas maydoniga odamlarni yig‘ishni, so‘ngra ishni politsiya zobitlari bilan to‘qnashuvga olib borishni xohlagan. 

Belarus KGB boshlig‘iga ko‘ra, ikkinchi ssenariyda muxolifatchilar namoyishni Minskdagi Bangalor maydonida o‘tkazmoqchi bo‘lgan. 

Tertelning ta’kidlashicha, uchinchi variantda mitinglarda qatnashish va axborotni manipulyatsiya qilishda e’tibor uy chatlari va koordinatorlarga qaratiladi. 

Yetti oydan ko‘proq vaqtdan beri Belarusda Prezident Aleksandr Lukashenkoning iste’fosini talab qilgan namoyishlar davom etmoqda. Saylov natijalaridan norozilarning harakatlari huquqni muhofaza qilish idoralari tomonidan keskin bostirilmoqda. O‘n minglab odamlar hibsga olingan, ularning ko‘plari izolyatorlarda qiynoqqa solish va kaltaklash holatlari kuzatilayotganini qayd etgan. Xavfsizlik xodimlari bilan to‘qnashuvda jami to‘rt kishi halok bo‘lgan.