Bedarak yo‘qolgan Rossiya chempioni Alina Gorbacheva topildi
Sport
−
30 avgust 2023 34131
O‘smirlar o‘rtasida figurali uchish bo‘yicha Rossiya chempioni Alina Gorbacheva Moskvada yo‘qolib qolgani haqida xabar bergandik. U savdo markazlaridan biridagi kinoteatrdan topildi. Bu haqda Rossiya Ichki ishlar vazirligi rasmiy vakili Irina Volk ma’lum qildi.
Qayd etilishicha, Gorbacheva Crocus City Mall kinoteatrida politsiyani qo‘lida muzqaymoq bilan kutib olgan.
Prokuraturaga ko‘ra, unga nisbatan hech qanday noqonuniy xatti-harakatlar sodir etilmagan, uning hayoti va sog‘lig‘iga hech narsa tahdid solmayapti.
Ma’lum qilinishicha, Gorbacheva uning yo‘qolish sabablarini aniqlash uchun Rossiya Federatsiyasi Tergov qo‘mitasiga olib ketiladi.
Eslatib o‘tamiz, avvalroq sportchining onasi RIA Novosti agentligiga qizining yo‘qolganini bildirgandi.
Live
Barchasi
