“Bayer”ning mag‘lubiyatsiz seriyasi 44 ta o‘yinga yetdi
Sport
−
19 aprel 1086
Ispaniyalik mutaxassis Xabi Alonso boshchiligidagi “Bayer” Yevropa ligasi chorak final javob o‘yinida “Vest Xem” bilan durang o‘ynadi (1:1, birinchi o‘yin 2:0).
Shunday qilib, Leverkuzen klubi joriy mavsumda birorta ham mag‘lubiyat alamini totib ko‘rmadi – 38 g‘alaba va 6 durang. Jamoa oxirgi marta 2023 yilning may oyida mag‘lubiyatga uchragan.
Mavsum boshidan beri mag‘lubiyatsiz o‘tkazilgan 44 uchrashuvdan iborat seriya top 5 liga uchun rekord hisoblanadi. Mazkur natija orqali “Bayer” 2011/12 yilgi mavsumda 42 ta o‘yinda mag‘lub bo‘lmagan “Yuventus”ni ortda qoldirdi.
21 aprel kuni Germaniya chempionligini kafolatlagan “Bayer” Bundesliganing 30-turi doirasida Dortmundning “Borussiya”siga qarshi maydonga tushadi.
Live
Barchasi
