Bayram kunlarida avtobuslar qatnovi qanday tashkil etilishi ma’lum qilindi
Jamiyat
−
25 dekabr 2023
4722Yangi yil bayrami kunlarida avtobus yo‘nalishlarining faoliyati qanday tashkil etilishi e’lon qilindi. Bu haqda “Toshshahartransxizmat” AJning Telegram-kanalida keltirilgan.
O‘zbekiston Respublikasi Prezidentining 2022 yil 23 dekabrdagi “2023 yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida"gi PF-270 son Farmoni va 2023 yil 22 dekabrdagi “2024 yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi PF-213 sonli Farmoniga binoan, Yangi yil bayram tadbirlarini nishonlash maqsadida, dam olish kunlarida avtobus yo‘nalishlarining faoliyati quyidagicha tashkil etiladi:
- 2023 yil 30 dekabr, shanba–dam olish kuni. Yakshanba kunlari uchun tasdiqlangan jadvallar asosida;
- 2023 yil 31 dekabr, yakshanba – ishlanmaydigan bayram kuni. Yakshanba kunlari uchun tasdiqlangan jadvallar asosida;
- 2024 yil 1 yanvar, dushanba – dam olish kuni. Yakshanba kunlari uchun tasdiqlangan jadvallar asosida;
- 2024 yil 2 yanvar, seshanba – dam olish kuni. Yakshanba kunlari uchun tasdiqlangan jadvallar asosida;
- 2024 yil 6 yanvar, shanba – ish kuni. Ish kunlari uchun tasdiqlangan jadvallar asosida.
Eslatib o‘tamiz, O‘zbekistonda 2024 yil uchun qo‘shimcha dam olish kunlari belgilangandi.
LiveBarchasi