Bayden Si Szinpin bilan sayohatini gapirayotganda adashib ketdi (video) 

AQSH Prezidenti Jo Bayden Oq uydagi tantanali marosimda nutq so‘zlayotganda ikki marta adashib ketdi. Uning nutqi CBS telekanalida namoyish etilgan.  

“Amerika — bu bir so‘z bilan ta’riflash mumkin bo‘lgan xalq. Men ostida... ostida... edim. Kechirasiz. Men Si Szinpin bilan Himoloy etagida edim. U bilan birga sayohat qildim, vitse-prezidentligimda biz 17 000 milya yo‘l bosib o‘tdik. Aniq esimda yo‘q”, degan u. 

Nutqi davomida Bayden Qo‘shma Shtatlarni bir so‘z bilan “imkoniyatlar” deb ta’riflashi mumkinligini aytgan. Uning so‘zlariga ko‘ra, u Xitoy rahbari bilan suhbatda shu mavzuga to‘xtalgan. 

Bu Amerika yetakchisining birinchi bor adashishi emas. U bir necha bor vitse-prezident Kamola Xarrisni Prezident deb yuborgan, Rossiya Prezidenti Vladimir Putinning familiyasini noto‘g‘ri talaffuz qilgan, “vaksinatsiya” va “eskalatsiya” so‘zlarini, shuningdek, Suriyani Liviya bilan, Iroqni esa Eron bilan aralashtirib yuborgan.