Байден Си Цзиньпин билан саёҳатини гапираётганда адашиб кетди (видео) 

АҚШ Президенти Жо Байден Оқ уйдаги тантанали маросимда нутқ сўзлаётганда икки марта адашиб кетди. Унинг нутқи CBS телеканалида намойиш этилган.  

“Америка — бу бир сўз билан таърифлаш мумкин бўлган халқ. Мен остида... остида... эдим. Кечирасиз. Мен Си Цзиньпин билан Ҳимолой этагида эдим. У билан бирга саёҳат қилдим, вице-президентлигимда биз 17 000 миля йўл босиб ўтдик. Аниқ эсимда йўқ”, деган у. 

Нутқи давомида Байден Қўшма Штатларни бир сўз билан “имкониятлар” деб таърифлаши мумкинлигини айтган. Унинг сўзларига кўра, у Хитой раҳбари билан суҳбатда шу мавзуга тўхталган. 

Бу Америка етакчисининг биринчи бор адашиши эмас. У бир неча бор вице-президент Камола Харрисни Президент деб юборган, Россия Президенти Владимир Путиннинг фамилиясини нотўғри талаффуз қилган, “вакцинация” ва “эскалация” сўзларини, шунингдек, Сурияни Ливия билан, Ироқни эса Эрон билан аралаштириб юборган.