Bayden Kiyevda. U Zelenskiyning dardiga quloq tutdi

Ukraina Prezidenti Vladimir Zelenskiy bugun, 20  fevral kuni Rossiyaning keng ko‘lamli bosqinchiligi boshlanganidan beri mamlakatga ilk bor tashrif buyurgan Amerika Qo‘shma Shtatlari Prezidenti Jozef Bayden bilan uchrashdi. 

Ukraina davlati rahbari martabali mehmonni poytaxt markazidagi Mariinskiy saroyi ayvonida kutib oldi. 

Ukraina va Amerika delegatsiyalari a’zolari tanishtirilgandan so‘ng Ukraina va AQSH prezidentlari yuzma-yuz muloqot qilgan. 

Zelenskiy Jozef Baydenning tashrifi Ukraina va ukrainaliklarni qo‘llab-quvvatlashning o‘ta muhim belgisi ekanini aytgan. 

“Ukrainani qo‘llab-quvvatlagan birinchi telefon qo‘ng‘irog‘i Oq uydan bo‘ldi. Yetakchiligingiz uchun rahmat. Shuningdek, ikki partiyaviy qo‘llab-quvvatlaganingiz, Kongressning qo‘llagani uchun sizga minnatdorlik bildiraman”, degan Zelenskiy. 

Ukraina Prezidenti AQSH Prezidenti bilan frontdagi vaziyat, shuningdek, bugun juda og‘ir kunlarni boshdan kechirayotgan Ukraina xalqi haqida gaplashishini aytdi. 

O‘z navbatida, Bayden o‘zining bugun Ukrainada bo‘lishi muhimligini aytgan, bu esa AQSH Ukraina davlatining mustaqilligi, suvereniteti va hududiy yaxlitligini qo‘llab-quvvatlashini namoyish etadi. 

“Menimcha, Qo‘shma Shtatlar Ukrainani shafqatsiz tajovuzga qarshi urushda qo‘llab-quvvatlayotganiga shubha qoldirmaslik juda muhim”, deydi Qo‘shma Shtatlar rahbari. 

AQSH prezidenti yana Kiyevga kelganidan xursandligini bildirgan. 

“Oxirgi safardan beri ko‘p narsa o‘zgardi. Dahshatli voqealar sodir bo‘ldi, bosqinchilik, lekin ayni paytda ukrainaliklar o‘zlarini himoya qilishda juda kam sonli xalqlar ifoda etgan tarzda o‘zlarini namoyon qildilar. Va ular bizga demokratiya ma’nosini tushunishimizga yordam berdi”, deydi Jozef Bayden. 

Shuningdek, u Kongress a’zolarining salomlarini yetkazdi. Uning so‘zlariga ko‘ra, ular Vladimir Zelenskiyning Kongressdagi so‘nggi nutqidan qattiq ta’sirlangan. 

AQSH Prezidenti AQSH va ittifoqchilar Ukrainaga erkinlik va mustaqillik uchun kurashda qanday qilib eng samarali yordam berishi mumkinligini muhokama qilish niyati haqida gapirgan.