“Barselona” “Siti” futbolchisi bilan kelishuvga erishdi
Sport
−
24 dekabr 2021 2654
“Manchester Siti” yarim himoyachisi Ferran Torres “Barselona” bilan kelishuvga erishdi.
Kataloniya klubi futbolchining transferi haqida 27 dekabr kuni rasmiy bayonot beradi va ertasi kuni futbolchining tanishtiruv marosimi bo‘lib o‘tadi.
Qayd etilishicha, Kataloniya klubi yarim himoyachi uchun taxminan 55 million yevro to‘laydi, shuningdek, 10 million yevro miqdorida bonuslar ham taqdim etiladi.
Eslatib o‘tamiz, MYU futbolchisi Edinson Kavani mankunianliklar safini tark etib, erkin agent sifatida “Barselona” safiga o‘tishi mumkinligi haqida ma’lumot bergan edik. Moliyaviy inqirozlar davrida kataloniyaliklar erkin agentga aylanadigan futbolchilarga alohida e’tibor qaratmoqda. Urugvaylik futbolchining MYU bilan shartnomasi 2022 yilning 30 iyuniga qadar amal qiladi.
Ma’lumot uchun, “ko‘k-anorranglilar” yangi futbolchilarni sotib olish va moliyaviy barqarorlikni saqlab qolish uchun 5 nafar futbolchini sotib yuborishi mumkinligi haqida xabarlar tarqalgan edi.
