“Barsa” uzra “qora bulutlar”: klub “bir oyog‘i” bilan Yevropa ligasiga tushib bo‘ldi

Ispaniyaning “Barselona” klubi Yevropa Chempionlar Ligasidagi so‘nggi 13 ta o‘yinning faqat uchtasida g‘alaba qozongan. Bu haqda jurnalist Pedro Martin yozmoqda.

Xavi Ernandes shogirdlari Yevropa Chempionlar ligasinining oxirgi 13 ta uchrashuvidan 7 tasida mag‘lubiyatga uchragan. “Ko‘k anorranglilar” qolgan 6 ta uchrashuvda 3 ta g‘alaba va 3 durrang qayd etgan.

Kataloniya klubi YeCHL doirasidagi oxirgi uchrashuvini Italiyaning “Inter” klubiga qarishi o‘tkazib, 3:3 hisobida durrang o‘ynagan.

Xavi shogirdlarining Chempionlar ligasidagi navbatdagi uchrashuvi 26 oktyabr kuni “Bavariya”ga qarshi bo‘lib o‘tadi. O‘sha kuni “Inter” o‘z maydonida “Viktoriya Plzen”ni qabul qiladi. “Inter” Chexiya klubini mag‘lub etadigan bo‘lsa, “Barselona” qolgan 2 ta turda qanday natija qayd etishidan qat’iy nazar CHLning nimchorak finaliga chiqa olmaydi.

Ma’lumot uchun, “Barselona” Chempionlar ligasida “C” guruhidan joy olgan. Ortda qolgan 4 ta turdan keyin, 12 ochko to‘plagan “Bavariya” guruhda yetakchilik qilmoqda. “Inter” 7 ochko bilan ikkichi, 4 ochkoga ega “Barsa” esa uchinchi bo‘lib turibdi. “Viktoriya Plzen”ning hisobida ochko mavjud emas.