Baxmutda ko‘plab ukrain jangchilari halok bo‘ldi – NYT 

Joriy yilning 25 noyabr kuni Ukrainaning Baxmut shahrida ukrainalik askarlarning juda ko‘pchiligi halok bo‘lgan. Bu haqda “The New York Times” nashri yozmoqda.

Nashrning qayd etishicha, 25 noyabr kuni tushdan keyin shifokorlar 50 nafar yaradorni sanab chiqishgan. Bir kun avval esa o‘q jarohatlari va miya chayqalishi bilan 240 kishi shifoxonaga murojaat qilgan.

Gazetaning mahalliy aholi vakillari, askarlar va Pentagon vakiliga tayanib yozishicha, Kiyev Baxmutga kam o‘qitilgan va tajribasiz jangchilarni yuborgan.

Artemovsk (Baxmut) shahrining Kiyev nazoratidagi qismi Ukraina qo‘shinlarini ta’minlash uchun muhim transport markazi hisoblanadi.

Donetskning Rossiya tomonidan tayinlangan rahbari Denis Pushilin so‘zlariga ko‘ra, Artemovskdagi vaziyat og‘irligicha qolmoqda.

Shuningdek, Ukraina Prezidenti Vladimir Zelenskiy ham Donetskdagi vaziyatning og‘irligini ta’kidlagan.

Avvalroq Vladimir Zelenskiy Rossiya Ukrainaga yangi raketa hujumlari uyishtirishga tayyorlanayotganini ma’lum qilgan edi.