BAA Prezidentining ukasi vafot etdi
Olam
−
27 iyul 2023 13704
Birlashgan Arab Amirliklari (BAA) Prezidenti Muhammad bin Zayd al-Nahayonning ukasi vafot etdi. Bu haqda amirliklarning WAM davlat agentligi xabar berdi.
Qayd etilishicha, bugun, 27 iyul kuni Prezidentning ukasi Said bin Zayd al-Nahayon sog‘lig‘idagi muammolar tufayli 58 yoshida vafot etgan. Qarindoshlari uning qanday kasal bilan og‘rigani haqida hech qanday ma’lumot bermagan. Shu munosabat bilan mamlakatda 29 iyulgacha uch kunlik motam e’lon qilindi.
Ma’lumot uchun, shayx Said 1965 yilda al-Ayn shahrida tug‘ilgan va 1988 yilda BAA universitetida siyosiy fanlar bo‘yicha bakalavr darajasini olgan. O‘qishni tamomlagach, Abu-Dabiga rejalashtirish vazirining o‘rinbosari etib tayinlangan. 1991-1996 yillarda dengiz portlari departamenti raisi lavozimida ishlagan. Shuningdek, u vafotiga qadar Abu-Dabi rahbarining vakili sifatida faoliyat olib borgan.
Live
Barchasi
