Azar va Anchelotti o‘rtasidan “olamushuk o‘tdi”
Sport
−
15 fevral 2023 3006
Madridning “Real” klubi a’zosi Eden Azar va jamoa bosh murabbiyi Karlo Anchelotti o‘rtasidagi aloqalar yomonlashdi. Bu haqda “The Athletic” nashri xabar berdi.
Eden “Real Madrid” ustozi futbolchiga bergan va’dalarini bajarmagani uchun tushkun holatda. Azar Anchelotti tomonidan e’tiborsiz qolayotganini his qilgan va u hozirda klubda umuman o‘yin amaliyotiga ega bo‘layotgani yo‘q.
Dekabr oyi oxirida Anchelotti Azar mavsumning ikkinchi qismida tez-tez maydonga tushadigan futbolchilardan biri bo‘lishini aytgandi. O‘shandan beri belgiyalik futbolchi ikki marta kichik jarohat oldi va Ispaniya kubogi doirasida 3-divizion vakili “Kasereno”ga qarshi o‘yinda atigi 68 daqiqa o‘ynadi. 2023 yilgi qolgan o‘yinlarda Azar maydonga tushmadi. U oxirgi marta 11 sentyabr kuni La Ligada bahsida maydonga tushgandi.
“Real Madrid” murabbiylar shtabi esa Azar bilan bog‘liq holatni e’tiborsiz qoldirmoqda.
Hozirgi vaqtda “Transfermarkt” portali belgiyalik futbolchining transfer narxini salkam 8 million yevroga baholamoqda.
