Azar kelgusi faoliyati bo‘yicha bir qarorga keldi
Sport
−
29 avgust 2023 2776
Belgiyalik hujumchi Eden Azar faoliyatini yakunlaydi. Bu haqda “Get French Football News” xabar berdi.
Manbaga ko‘ra, Azarga bir nechta klublardan taklif bo‘lgan, biroq futbolchi butsalarini mixga ilmoqchi.
Azar 2019 yildan beri “Real”da o‘ynab kelayotgandi. U shuningdek, “Chelsi” va “Lill” klublari sharafini himoya qilgan. Eden “Real” safida 76 ta o‘yinda maydonga tushib, 7 ta gol urdi va 12 ta golli uzatmani amalga oshirdi. O‘tgan mavsumda belgiyalik futbolchi 10 ta o‘yinda maydonga tushib, 1 ta gol urdi va 2 ta golga assistentlik qilgan.
Azar “Real Madrid” bilan birgalikda 2 marta Ispaniya chempionligi, 2022/2023 yillarda Ispaniya kubogi va 2 marta Ispaniya Superkubogini qo‘lga kiritdi. U Yevropa Chempionlar ligasida ham g‘olib bo‘lgan (2021/2022).
