“Avtomoyka”dan olib qochilgan mashina YTHga uchradi

Toshkent shahrida “Avtomoyka”dan olib qochilgan mashina YTHga uchrab tashlab ketilgan holatda topildi. Bu haqda IIV huzuridagi Tergov departamenti xabar berdi.

Qayd etilishicha, joriy yilning 23 aprel kuni Sergeli 5 dahasi 2-metro bekati yonida joylashgan avtomashina yuvish shaxobchasi ishchisi "I." ismli shaxsga o‘ziga tegishli bo‘lgan oq rangli Lacetti rusumli mashinani yuvish uchun kaliti bilan tashlab ketgan. Ertasi kuni esa avtoulovini olib ketish uchun kelgan vaqtida avtomashina va "I." ismli shaxs yuvish shoxobchasida yo‘qligini ko‘rib, ushbu shaxsni aniqlashda va avtomashinasini topishda amaliy yordam berishni so‘ragan.

Mazkur jinoyatni Andijon viloyatida yashovchi 20 yoshli U.I. sodir etgani va jabrlanuvchiga tegishli bo‘lgan avtomashina u tomonidan Toshkent viloyati Ohangaron tumani “Vodiy yo‘li”da davlat raqamlari yechilgan va yo‘l-transport hodisasiga uchragan xolda tashlab ketilgani aniqlangan.

Mazkur holat yuzasidan Sergeli tumani IIO FMB Tergov bo‘limi tomonidan U.I.ga nisbatan Jinoyat kodeksining 267-moddasi 1-qismi (transport vositasini olib qochish) bilan jinoyat ishi qo‘zg‘atilgan. Hozirda gumonlanuvchi U.I.ni qidirib topish ishlari olib borilmoqda.

Nurmuhammad Fayzullayev