“Australian open-2022”. Amaldagi chempion 3-bosqichdayoq musobaqani tark etdi

Yaponiyalik tennischi Naomi Osaka tennis bo‘yicha “Katta Dubulg‘a” turkumiga kiruvchi Avstraliya ochiq chempionatining uchinchi davra bellashuvida AQSH vakilasi Amanda Anisimovaga mag‘lub bo‘ldi va chempionlikni himoya qila olmadi. 

2 soat 18 daqiqa davom etgan bahsda Anisimova raqibi ustidan 4:6, 6:3, 7:6 (10:5) hisobida g‘alabaga erishdi. 

Shu tariqa Osaka Avstraliya ochiq chempionatida chempionlikni himoya qila olmagani sabab reyting ochkolaridan mahrum bo‘ladi va WTA reytingida o‘z o‘rnini boy beradi. 24 yoshli Osaka “Australian open”da ikki marta (2019, 2021) g‘alaba qozongan. Shuningdek, u ikki marta “US Open” turniri bosh sovrinini qo‘lga kiritgan.

Eslatib o‘tamiz, musobaqada 60-raqam ostida saralangan Anisimova chorak final yo‘lida dunyoning birinchi raqamli tennischisi Eshli Bartiga qarshi kortga chiqadi.

Ma’lumot uchun, turnirning sovrin jamg‘armasi 54 million AQSH dollaridan iborat. G‘olib sportchi yakunda 2000 reyting ochkosi va 2,2 million dollar mukofot pulini qo‘lga kiritadi.