“Australian open-2021”. Medvedev va Nadal chorak finalga yo‘l oldi

Dunyoning ikkinchi raqamli raketka ustasi, rossiyalik tennischi Daniil Medvedev Avstraliya ochiq chempionatining to‘rtinchi davra bellashuvida g‘alaba qozondi va chorak finalga yo‘l oldi. Medvedevning ushbu bosqichdagi raqibi ATP reytingida 70-o‘rinni egallab turgan AQSH vakili Maksim Kressi bo‘ldi. Dastlabki ikki setda Daniil, uchinchisida esa Kressi ustun keldi. Ammo to‘rtinchi setni o‘z foydasiga hal qilgan rossiyalik tennischi  6:2, 7:6 (7:4), 6:7 (4:7), 7:5 hisobida zafar quchdi. Qarama-qarshilik 3 soat 27 daqiqa davom etdi.

Shuningdek, “Katta Dubulg‘a” turkumiga kiruvchi turnirlarning 20 karra g‘olibi, ispaniyalik Rafael Nadal esa fransiyalik Adrian Mannarinoni 7:6 (16:14), 6:2, 6:2 hisobida taslim qildi va 2 soat 41 daqiqa davom etgan uchrashuvni o‘z foydasiga hal qildi.

Yarim finalga chiqish uchun Medvedev kanadalik Feliks Oje-Alyassim, Nadal esa boshqa bir kanadalik Denis Shapovalovga qarshi kortga chiqadi. 

Eslatib o‘tamiz, mavsumning ilk “Katta Dubulg‘a” musobaqasi joriy yilning 30 yanvar kuni yakunlanadi.