Ash-Shara Suriyaning yangi hukumati tarkibini e’lon qildi. Vazirlar orasida nasroniy ayol ham bor

Suriya muvaqqat prezidenti Ahmad ash-Shara mamlakatning yangi hukumati tarkibini taqdim etdi. Bu haqda kecha, 29 mart kuni SANA agentligi xabar berdi. 

Qayd etilishicha, ash-Shara “yaratilish va o‘zgarishlar hukumati” deb atagan Vazirlar Mahkamasidagi aksariyat o‘rinlarni uning ittifoqchilari qo‘lga kiritdi. Ular orasida bir nafar ayol kishi ham bor. U nasroniy ozchilik vakili va uzoq vaqtdan beri Bashar Asad rejimiga muxolif bo‘lgan Hind Qabavat bo‘lib, unga Suriya ijtimoiy ishlar va mehnat vaziri lavozimi nasib etdi.

Tashqi ishlar vazirligi va Mudofaa vazirligi rahbarlari ash-Shara davrida olgan lavozimlarini saqlab qoldi.

Suriya muvaqqat rahbari hukumatning asosiy ustuvor yo‘nalishlari Suriyani “qayta qurish” hamda “millat va har bir fuqaro manfaatlarini kafolatlaydigan kuchli va barqaror davlat” yaratish, shuningdek, korrupsiyaga qarshi kurash, armiyani rivojlantirish va iqtisodiyotni mustahkamlash bo‘lishini ta’kidladi.

Suriya hukumatining yangi tarkibi quyidagicha:

• Tashqi ishlar vaziri Asad al-Shiboniy.
• Mudofaa vaziri Murhaf Abu Qasra.
• Ichki ishlar vaziri Anas Xatab.
• Adliya vaziri Mazhar al-Vays.
• Vaqflar vaziri Muhammad Abu al-Xayr Shukriy.
• Oliy ta’lim vaziri Marvon al-Halabiy.
• Mehnat va ijtimoiy ishlar vaziri Hind Qabavat.
• Energetika vaziri Muhammad al-Bashir
• Moliya vaziri Muhammad Yusir Barneya
• Iqtisodiyot vaziri Nidal al-Shaar.
• Sog‘liqni saqlash vaziri Musaab Nazal al-Ali.
• Mahalliy boshqaruv va atrof-muhitni muhofaza qilish vaziri Muhammad Anjarani
• Favqulodda vaziyatlar va ofatlar vaziri Rayed al-Solih
• Aloqa va axborot texnologiyalari vaziri Abd al-Salom Haykal
• Qishloq xo‘jaligi vaziri Amjad Badr
• Ta’lim vaziri Muhammad Abdurrahmon Tarko
• Jamoat ishlari va uy-joy vaziri Mustafo Abd al-Razak
• Madaniyat vaziri Muhammad Solih
• Sport va yoshlar vaziri Muhammad Samih Hamid
• Turizm vaziri Mazen al-Salxoniy
• Ma’muriy rivojlanish vaziri Muhammad Skaf
• Transport vaziri Yaarub Badr
• Axborot vaziri Hamza Mustafo

Eslatib o‘tamiz, o‘tgan oyda Ahmad ash-Shara ikki hafta ichida mamlakat hukumati tarkibini o‘zgartirish niyatida ekani xabar qilingandi. Mart oyi o‘rtalarida esa Ahmad ash-Shara besh yillik o‘tish davri uchun mo‘ljallangan vaqtinchalik konstitutsiyaviy deklaratsiyani imzoladi.