Anchelottining “Real”dagi kelajagi haligacha noma’lum – manba

Madridning “Real” klubi bosh murabbiyi Karlo Anchelotti hali ham murabbiy bilan aloqalarini uzmagan Braziliya terma jamoasini boshqarishi mumkin. Bu haqda Ispaniyaning “Cadena Ser” nashri xabar berdi.

Manbaga ko‘ra, Anchelottining Madridda qancha muddat qolishi borasidagi qaror La Liganing 35-turida “Barselona” bilan o‘yin natijasiga bog‘liq. Agar ushbu o‘yindan keyin madridliklar qoniqarsiz natija qayd etsa, klub Ispaniya chempionligi kubogi uchun deyarli barcha imkoniyatlarini yo‘qotadi va “qirollik klubi” La Ligadagi mavsum yakunlanganidan so‘ng murabbiyni darhol Braziliya terma jamoasiga qo‘yib yuborishi mumkin bo‘ladi.

Agar “Real” kataloniyaliklar bilan bahsda g‘alaba qozonsa, kubok uchun faol kurashni davom ettiradi va Braziliya terma jamoasi italiyalik mutaxassisni tayinlash bo‘yicha erta qarorga umid qila olmaydi.

Shuningdek, mavsumning yakuniy qismida muvaffaqiyat qozongan taqdirda Anchelotti hech bo‘lmaganda klublar o‘rtasidagi Jahon chempionati yakuniga qadar jamoani tark etmasligi qayd etilgan.

“Real Madrid” rahbariyati klublar o‘rtasidagi Jahon chempionati 2025/2026 yilgi mavsumning boshlanishi ekanligini ta’kidlamoqda, shuning uchun ular turnir boshlanishiga qadar vaqtincha emas, balki doimiy murabbiyga ega bo‘lishni xohlamoqda.

Eslatib o‘tamiz, avvalroq Anchelotti Saudiya Arabistonidan mo‘maygina taklif olgani xabar qilingandi.