Anchelottini ko‘ndirishga Braziliya futboli afsonalari aralashdi

Braziliya futboli afsonalari Kaka va Ronaldo italiyalik mutaxassis Karlo Anchelottini terma jamoani boshqarishga ko‘ndirmoqchi. Bu haqda “The Athletic” xabar berdi. 

Manbaga ko‘ra, “Real” murabbiyini terma jamoaga olib kelishda braziliyalik sobiq futbolchilar muhim rol o‘ynamoqda. Ular Braziliya futbol konfederatsiyasi nomidan italiyalik mutaxassis bilan muzokara olib bormoqda.

Anchelotti mavsum oxirida “Real”ni tark etsa, Braziliya terma jamoasini boshqarishga tayyor. Uning Madrid klubidagi kelajagi noaniqligicha qolmoqda. Murabbiy agar mavsum yakunida iste’foga chiqarilmasa, yana ma’lum bir muddat “Real”da qolish ehtimoli katta.

Italiyalik murabbiyning “Real”dagi kelajagi ko‘p jihatdan jamoaning Yevropa Chempionlar ligasidagi natijalariga bog‘liq. Agar Madrid klubi ketma-ket ikkinchi marta kubokni qo‘lga kiritsa, Anchelotti bilan 2024 yilgacha hisoblangan shartnoma yana uzaytirilishi mumkin.