Анчелоттини кўндиришга Бразилия футболи афсоналари аралашди

Бразилия футболи афсоналари Кака ва Роналдо италиялик мутахассис Карло Анчелоттини терма жамоани бошқаришга кўндирмоқчи. Бу ҳақда “The Athletic” хабар берди. 

Манбага кўра, “Реал” мураббийини терма жамоага олиб келишда бразилиялик собиқ футболчилар муҳим роль ўйнамоқда. Улар Бразилия футбол конфедерацияси номидан италиялик мутахассис билан музокара олиб бормоқда.

Анчелотти мавсум охирида “Реал”ни тарк этса, Бразилия терма жамоасини бошқаришга тайёр. Унинг Мадрид клубидаги келажаги ноаниқлигича қолмоқда. Мураббий агар мавсум якунида истеъфога чиқарилмаса, яна маълум бир муддат “Реал”да қолиш эҳтимоли катта.

Италиялик мураббийнинг “Реал”даги келажаги кўп жиҳатдан жамоанинг Европа Чемпионлар лигасидаги натижаларига боғлиқ. Агар Мадрид клуби кетма-кет иккинчи марта кубокни қўлга киритса, Анчелотти билан 2024 йилгача ҳисобланган шартнома яна узайтирилиши мумкин.