Alisher Navoiy haykali oldida yana haqoratomuz harakat sodir etildi

3-sahifa 30967
image

Ijtimoiy tarmoqlarda Samarqand viloyati Kattaqo‘rg‘on shahrida noma’lum yigit Alisher Navoiy haykali oldida nojo‘ya harakat sodir etgani aks etgan video tarqaldi.

Videoda yigit haykalga tupurganini ko‘rish mumkin. Vaziyatga viloyat ichki ishlar boshqarmasi munosabat bildirdi.

Unga ko‘ra, Kattaqo‘rg‘on shahridagi “A.Navoiy” nomidagi istirohat bog‘ida mayda bezorilik sodir qilgan shaxslarga nisbatan O‘zbekiston Respublikasi MJtKning 183-moddasiga asosan ma’muriy bayonnomalar rasmiylashtirilib, to‘plangan hujjatlar jinoyat ishlari bo‘yicha Kattaqo‘rg‘on shahar sudiga yuborilgan.

Eslatib o‘tamiz, 11 may kuni huddi shu joyda boshqa bir yigit shunga o‘xshash haqoratomuz harakat sodir etgani aks etgan video ijtimoiy tarmoqlarda taqralgandi. U yigit 15 sutka ma’muriy qamoq bilan jazolangandi. Shuningdek, yigitga Navoiy asari sovg‘a qilingandi.

Sunnatilla Abdullayev
Maqolaga baho bering
Baholaganlar: 1639
Reyting: 3
t
×