“Al-Hilol” PSJ a’zosiga 50 million yevro maosh taklif qildi
Sport
−
29 iyul 2023 2601
Saudiya Arabistonining “Al-Hilol” klubi italiyalik futbolchi Marko Verrattiga yiliga 50 million yevro to‘lashga tayyor. Bu haqda “Le Parisien” xabar berdi.
Manbaga ko‘ra, agar yarim himoyachi rozilik bildirsa, u Saudiya klubi bilan 3 yillik shartnoma imzolaydi. Transfer uchun “Al-Hilol” PSJga 30 million yevro taklif qildi, biroq bu summa parijliklarni qanoatlantirmayapti.
Saudiya Arabistoni klubi yaqin orada yangi taklif bilan chiqishi kutilmoqda.
Veratti o‘tgan mavsum klub safida umumiy 38 ta o‘yinda maydonga tushib, 1 ta golli uzatmani amalga oshirdi. Uning transfer qiymati 40 million yevroni tashkil etadi. 30 yoshli futbolchining PSJ bilan shartnomasi 2026 yil yoziga qadar amal qiladi.
