AQSHning yangi prezidentini aniqlash 5 noyabrga qolishi mumkin

AQSHning Nevada shtatidagi saylovlarda ovozlarni hisoblash bir yarim kunga to‘xtatildi. Bu haqda shtat saylov komissiyasi Twitter'dagi o‘z sahifasida ma’lum qildi.

Ovoz natijalarini hisoblash 5 noyabr kuni mahalliy vaqt bilan soat 9:00 da (Toshkent vaqti bilan 22:00) qayta boshlanishi aytilgan. Hozirga qadar komissiya barcha ovozlarni muddatidan oldin shaxsan ko‘rib chiqdi; 2 noyabrgacha pochta orqali olingan byulletenlar, shuningdek, ovoz berish kuni saylov uchastkalariga berilgan ovozlar.

Ta’kidlanganidek, saylov kuni pochta orqali kelgan va hafta davomida keladigan byulletenlarni sanash keraks bo‘ladi. Shuningdek, saylovchilar ro‘yxatiga kiritilmagan odamlarning shartli byulletenlari mavjud.

Nevadada byulletenlarning taxminan 67 foizi hisoblab chiqilgan. Dastlabki ma’lumotlarga ko‘ra, Demokratlar partiyasidan nomzod Jo Bayden mintaqadagi amaldagi prezident Donald Trampdan 0,6 foiz oldinda.