AQSHning Rossiyaga qarshi sanksiyalari kengaytirilishiga izoh berildi

AQSHning harakatlari Rossiyaning mudofaa qobiliyatini, shuningdek, moliyaviy va texnologik suverenitetni mustahkamlash yo‘lini oqlashini tasdiqlaydi. Bu fikr Rossiyaning Vashingtondagi elchixonasining rossiyalik shaxslarga nisbatan AQSH sanksiyalari ro‘yxati kengaytirilishi munosabati bilan Telegram-kanalida e’lon qilingan izohlarda keltirilgan.

“Repressiyalarning yangi bosqichi ichki harbiy-sanoat kompleksi va energetika sektori salohiyatini cheklash, shuningdek, xalqaro moliya tizimiga kirishni qiyinlashtirish uchun mo‘ljallangani muhim. Oq uyning harakatlari faqat Rossiya Federatsiyasining mudofaa qobiliyatini, moliyaviy va texnologik suverenitetini mustahkamlash yo‘lini oqlashini tasdiqlaydi. Ular yana bir bor jahon iqtisodiy aloqalarini de-dollarizatsiya (dollarni yo‘qotish)  qilish jarayonlarining tezlashishiga muqobil yo‘qligini ta’kidlamoqda”, deyiladi munosabatda.

Elchixona diplomatlarining urg‘ulashicha, Vashingtonning sanksiyalar bo‘yicha faolligining navbatdagi o‘sishi AQSH-Britaniya strategik muloqoti uchrashuviga to‘g‘ri keldi.

"G‘arb tomonidan mamlakatimizga qarshi boshlangan gibrid urush sharoitida Amerika ma’muriyatining cheksiz hujumlariga hayron bo‘lishning hojati yo‘q", deyiladi xabarda.

Eslatib o‘tamiz, oldinroq AQSH Rossiyaga qarshi yangi sanksiyalar kiritdi. Yangi to‘lqin birinchi navbatda Rossiyaning harbiy-sanoat sektoriga, ilm-fan, banklar va tog‘-kon sanoatiga qaratilgan. 

Umuman olganda, Vashington sanksiyalar ro‘yxatini deyarli 120 kishi va tashkilotga kengaytirdi. Ular orasida Rossiyaning bir qancha banklari va amaldorlari, jumladan, vazir o‘rinbosarlari ham bor.