AQSHda tornado Amazon omborini qulatishi oqibatida olti kishi halok bo‘ldi
Olam
−
12 dekabr 2021 7139
AQSHning Illinoys shtatida dovul Amazon onlayn-riteylerining omborini qulatdi. Oqibatda olti kishi halok bo‘ldi. Bu haqda “FoxNews” xabar bergan.
“Tornadoning Illinoys shtatidagi Amazon omboridan o‘tishi oqibatida kamida olti kishi halok bo‘ldi”, deyiladi xabarda.
Ta’kidlanishicha, Amerika Qo‘shma Shtatlarining sharqiy qismida, xususan, Illinoys, Missuri, Arkanzas, Kentukki va Tennessi shtatlarida tornado va dovullar kuzatilgan. Kentukki shtatida tabiiy ofat 70 dan ortiq odamning hayotiga zomin bo‘lgan, Arkanzasda qariyalar uyidagi kishilardan biri, Tennessi shtatida esa uch kishi halok bo‘lgan.
Oq uy ma’lumotlariga ko‘ra, mamlakatda sodir bo‘lgan dovullar haqida Prezident Jo Bayden xabardor qilingan. Davlat rahbari jabrlangan hududlarga yordam berish uchun federal mablag‘ ajratish bo‘yicha topshiriq bergan.
Live
Barchasi
