АҚШда торнадо Amazon омборини қулатиши оқибатида олти киши ҳалок бўлди
Олам
−
12 Декабрь 2021 7137
АҚШнинг Иллинойс штатида довул Amazon онлайн-ритейлерининг омборини қулатди. Оқибатда олти киши ҳалок бўлди. Бу ҳақда “FoxNews” хабар берган.
“Торнадонинг Иллинойс штатидаги Amazon омборидан ўтиши оқибатида камида олти киши ҳалок бўлди”, дейилади хабарда.
Таъкидланишича, Америка Қўшма Штатларининг шарқий қисмида, хусусан, Иллинойс, Миссури, Арканзас, Кентукки ва Теннесси штатларида торнадо ва довуллар кузатилган. Кентукки штатида табиий офат 70 дан ортиқ одамнинг ҳаётига зомин бўлган, Арканзасда қариялар уйидаги кишилардан бири, Теннесси штатида эса уч киши ҳалок бўлган.
Оқ уй маълумотларига кўра, мамлакатда содир бўлган довуллар ҳақида Президент Жо Байден хабардор қилинган. Давлат раҳбари жабрланган ҳудудларга ёрдам бериш учун федерал маблағ ажратиш бўйича топшириқ берган.
Live
Барчаси
