AQSH va Hindiston birgalikda reaktiv dvigatellarni ishlab chiqarmoqchi

Amerika Qo‘shma Shtatlari va Hindiston Kritik va rivojlanayotgan texnologiyalar tashabbusi (iCET) doirasida reaktiv dvigatellar, uzoq masofali artilleriya va piyoda askarlarini birgalikda ishlab chiqarish bo‘yicha kelishib olishga qaror qildi. Bu haqda “The Hindu” xabar berdi.

Nyu-Dehli va Vashington mudofaa vazirliklari mamlakatlar o‘rtasida ushbu sohadagi yirik hamkorlikni joriy etish masalasini muhokama qilgan. Mudofaa sanoati sohasida hamkorlikni kengaytirish yo‘llari va vositalariga, jumladan, texnologik hamkorlik, uzoq muddatli tadqiqot va ishlanmalar, ta’minot zanjiri xavfsizligini yaxshilashga jiddiy e’tibor qaratildi.

Kelishuv doirasida Hindistonning General Electric kompaniyasi GE-414 dvigatelini ishlab chiqarishga litsenziya olish uchun ariza topshirmoqchi, u allaqachon Hindiston yengil jangovar samolyotiga (LCA)-MK2’ga o‘rnatish uchun tanlangan. Mukesh Agha, AQSH-Hindiston Strategik Hamkorlik Forumi (USISPF) Prezidenti va bosh direktori, agar ariza ma’qullansa, Hindiston samolyotlar uchun reaktiv dvigatellar ishlab chiqaradigan dunyodagi beshinchi davlatga aylanishini aytgan. 

Ba’zi yuqori texnologiyali tashabbuslar Bosh vazir Narendra Modining iyun oyida AQSHga bo‘lajak tashrifi chog‘ida e’lon qilinishi kutilmoqda.