AQSH Ukrainaga yana 4 ta HIMARS berdi
Olam
−
12 Oktabr 2022 4291
Ukraina Qo‘shma Shtatlardan qo‘shimcha to‘rtta HIMARS yalpi reaktiv hujum tizimi oldi. Bu haqda Ukraina Mudofaa vaziri Aleksiy Reznikov ma’lum qildi.
“Amerikalik hamkorlarimizdan yana to‘rtta HIMARS yetib keldi! Men (AQSH Prezidenti) Jo Bayden, (Pentagon rahbari) Lloyd Ostin va Amerika xalqidan minnatdorman”, deb yozdi Reznikov Twitter’da.
Shuningdek, u Kiyev Germaniyadan bir nechta IRIS-T SLM zenit-raketa komplekslarini olganini, NASAMS havo mudofaa tizimlari “allaqachon yo‘lda” ekanini eslatgan.
Avvalroq Qo‘shma Shtatlar Ukrainaga 625 million dollarlik yordam paketi doirasida yana to‘rtta HIMARS jo‘natishi ma’lum bo‘lgandi. Ushbu paketga o‘q-dorilar, minalar va 200 ga yaqin minadan himoyalangan zirhli transport vositalari ham kirishi mumkin.
Eslatib o‘tamiz, 11 oktyabr kuni Germaniya Ukrainaga avval va’da qilingan to‘rtta IRIS-T SLM zenit-raketa komplekslaridan birinchisini yetkazib bergani ma’lum bo‘lgandi.
Live
Barchasi
