AQSH butun dunyodagi harbiylarini qayta joylashtiradi
Olam
−
05 fevral 2021 6012
Pentagon AQSH harbiy kuchlarining dunyo bo‘ylab joylashishini tahlil tarzda qayta ko‘rib chiqadi. Bu haqda mamlakatning yangi Mudofaa vaziri Lloyd Ostin ma’lum qilgan. Uning bayonoti Pentagon veb-saytida e’lon qilingan.
“Hisobotda Bosh qo‘mondonga armiyani milliy manfaatlarga muvofiq ravishda taqsimlash bo‘yicha o‘z maslahatim aks ettirilgan”, degan Ostin.
Shu bilan birga, vazir tahlil davomida Pentagon AQSHning ittifoqchilari va sheriklari bilan maslahatlashishini qo‘shimcha qilgan.
Bayonotda Amerika kuchlarini taqsimlash bo‘yicha aniq biron bir o‘zgarish ko‘rsatilmagan.
Ma’lumot o‘rnida, 22 yanvar kuni AQSH Senati Lloyd Ostin nomzodini Pentagon rahbari lavozimiga tasdiqladi. Ostin Mudofaa vazirligini boshqarayotgan birinchi afroamerikalik hisoblanadi.
Live
Barchasi
