Пентагоннинг янги раҳбари тасдиқланди

АҚШ Сенати Ллойд Остин номзодини Пентагон раҳбари лавозимига тасдиқлади. Унинг номзодини 93 нафар сенатор маъқуллади, икки нафари қарши бўлди.

Фуқаролик мудофааси вазири лавозимга етти йилдан камроқ вақт олдин нафақага чиққан даъвогарлар Конгресснинг махсус розилигини олиши талаб қилинади.

Остин 2016 йилда истеъфога чиққан. Кеча унинг номзодини Сенатнинг ваколатли қўмитаси тасдиқлади.

Остин 67 ёшда ва тўрт юлдузли генерал даражасига эга. Остин мудофаа вазирлигини бошқарган биринчи афроамерикалик бўлди. У Германияда ва АҚШнинг кўп жойларида хизмат қилган, Бош штаб бошлиқлари қўмитасида ҳам ишлаган, дивизияни бошқарган ва 2006 йилга келиб генерал-лейтенант унвонига кўтарилган.

2010 йилда Остин АҚШнинг Ироқдаги кучларига қўмондон этиб тайинланган ва аскарларни босқичма-босқич мамлакатдан чиқаришга жавобгар бўлган. 2011 йил декабрда у Қуруқликдаги кучлар штаби қўмондонининг ўринбосари этиб тайинланган ва 2013-2016 йилларда АҚШ Марказий қўмондонлигини бошқарган. Ушбу лавозимда у Вашингтоннинг ИШИДга қарши стратегиясини ишлаб чиқишда муҳим рол ўйнаган.

2016 йилда нафақага чиққанидан сўнг, у энг йирик қурол ишлаб чиқарувчи Raytheon директорлар кенгашига кирган.