AQSH husiylarning 6 ta dronini yo‘q qildi

Amerika Qo‘shma Shtatlari Yaman husiylarining oltita dronini yo‘q qildi. Bu haqda AQSH Markaziy qo‘mondonligi (CENTCOM) X ijtimoiy tarmog‘idagi sahifasida ma’lum qildi. 

Bildirilishicha, so‘nggi 24 soat ichida AQSH kuchlari Yaman qirg‘oqlari yaqinida uchta uchuvchisiz yerusti apparatini yo‘q qildi. 

“Yo‘q qilingan qurollar mintaqadagi tijorat kemalariga to‘g‘ridan to‘g‘ri xavf tug‘diradi”, deya qayd etadi CENTCOM.

Shuningdek, qo‘mondonlik Qo‘shma Shtatlarning harakatlari navigatsiya erkinligini himoya qilish va xalqaro suvlar xavfsizligini oshirishga qaratilganini qo‘shimcha qildi.

Ma’lumot uchun, AQSH va Buyuk Britaniya Yamandagi husiylar nazoratidagi hududlarga zarba berishni boshlaganidan so‘ng, husiylar bu mamlakatlardan kelgan barcha kemalarga hujum qilishga va’da berishdi.

Eslatib o‘tamiz, oldinroq Iroq g‘arbidagi amerikalik harbiylar joylashgan Ayn al-Assad aviabazasi raketalardan o‘qqa tutilgandi.

Azizbek Eshmamatov