Ai-80 benzini narxini davlat tomonidan tartibga solish bekor qilinadi
Jamiyat
−
06 aprel 2020 10048
Ai-80 benzini narxini davlat tomonidan tartibga solish bekor qilinadi
O‘zbekiston Respublikasi Prezidenti Shavkat Mirziyoyev joriy yilning 4 aprel kuni “Neft-gaz tarmog‘ining moliyaviy barqarorligini oshirish bo‘yicha birinchi navbatdagi chora-tadbirlar to‘g‘risida”gi qarornim imzoladi.
Qarorga muvofiq, Neft-gaz tarmog‘i korxonalarining operatsion samaradorligini yaxshilash bo‘yicha “yo‘l xaritasi” ishlab chiqiladi.
Neft-gaz tarmog‘idagi barcha korxonalarda korrupsiyaga qarshi “kompleans-nazorat” tizimi joriy etiladi.
Yuqori malakali xorijiy ekspert va mutaxassislar, shu jumladan xorijdagi vatandoshlarni neft-gaz tarmog‘i korxonalariga ishga yollash bo‘yicha takliflar ishlab chiqiladi.
Neft-gaz tarmog‘idagi faoliyat turlarini litsenziyalash takomillashtiriladi va soddalashtiriladi.
“O‘zbekneftgaz” AJ va “O‘zkimyosanoat” AJ ustav jamg‘armalarida davlat ulushi oshiriladi.
2020 yil 1 maydan boshlab Ai-80 markali avtomobil benzini va dizel yoqilg‘isi (shu jumladan EKO markali dizel yoqilg‘isi) chakana narxlarini davlat tomonidan tartibga solish bekor qilinadi va neftni qayta ishlash zavodlari tomonidan ularni sotish faqat birja savdolari orqali amalga oshiriladi.
Live
Barchasi
