Agueroning uzoq kutilgan debyuti bugun amalga oshishi mumkin
Sport
−
17 Oktabr 2021 2837
“Barselona” futbolchisi Serxio Aguero Ispaniya La Ligasining 9-turidan o‘rin olgan “Valensiya”ga qarshi o‘yin qaydnomasiga kiritildi.
Kataloniya klubi safida rasmiy uchrashuvlarda maydonga tushmagan argentinalik futbolchi bo‘lajak o‘yinda ishtirok etishi mumkin.
Aguero oxirgi marta rasmiy o‘yinlarda joriy yilning 4 iyul kuni Argentina terma jamoasi safida Amerika Kubogining Ekvadorga qarshi bahsida o‘ynagan. “Barsa”ga kelgach, avgust oyida tizzasidan jarohat olib, safdan chiqqan edi.
Eslatib o‘tamiz, Messi PSJga o‘tganidan so‘ng, Serxio Aguero “Barsa”da 10-raqam ostida o‘ynashni xohlamagan va 19-raqamli libosni kiyishga qaror qilgan.
Ma’lumot uchun, “Barselona” va “Valensiya” o‘rtasidagi uchrashuv, bugun Toshkent vaqti bilan soat 23:55 da start oladi.
Live
Barchasi
