Afg‘onistonda ayollarga radio efirini olib borish taqiqlandi

north_east

“Nafas olishdan boshqa hammasi”. Afg‘on ayollariga bugun nimalar taqiqlangan?

Afg‘onistondagi “Tolibon” muvaqqat hukumati rasmiylari Qandahor viloyatida ayollarga radio orqali ko‘ngilochar dasturlarni olib borishni taqiqladi. Bu haqda  hukumat bayonotiga tayanib, Afg‘oniston Jurnalistlar Markazi (AFJC) matbuot xizmati xabar berdi.

“Ma’muriyat ayollar ovozining efirga uzatilishini butunlay taqiqladi”, deyiladi bayonotda.

Bundan tashqari, ommaviy axborot vositalariga kosmetika mahsulotlari, shuningdek, rasmiy ro‘yxatdan o‘tmagan klinikalar va shifoxonalar reklamalarini e’lon qilish ham taqiqlangan.

Ma’lumot uchun, bunga qadar Afg‘oniston Axborot va madaniyat vazirligi mamlakatda televideniyeda har qanday siyosiy va iqtisodiy bahslarni translyatsiya qilishni taqiqlagan. AFJC ma’lumotlariga ko‘ra, bundan buyon televizion jurnalistlar faqat hukumat vakillari bilan muloqot qilishi mumkin bo‘ladi.

Taqiq iqtisodiy muhokamalarni ham qamrab oladi, chunki ular “mavjud hukumatga qarshi chiqish” sifatida baholanmoqda. Ushbu cheklovlar xususiy va mustaqil telekanallarga ham tegishli.

Eslatib o‘tamiz, avvalroq “Tolibon” muvaqqat hukumatining axborot va madaniyat vazirligi xodimlari xavfsizlik kuchlari bilan birgalikda Afg‘onistondagi yagona ayollar radiosi – “Radio Begum” ofisiga bostirib kirib, uning eshittirishlarini to‘xtatgan edi. Huquq-tartibot idoralari xodimlari reyd davomida tashkilotga rahbarlik qilgan ayollar, shuningdek, vokzalda muhim lavozimda ishlamagan ikki erkakni qo‘lga olgan. Shu bilan birga, “Tolibon” jurnalistlarning kompyuterlari, qattiq disklari va mobil telefonlarini tortib olgan. Afg‘oniston axborot vazirligi ma’lumotlariga ko‘ra, radiostansiya faoliyatida, xususan, ko‘rsatuvlar yaratish va xorijda joylashgan televideniye tarmog‘idan kontentni uzatishda ko‘plab qonunbuzarliklar aniqlangan.