Adolatli yangi prokuraturaning huquqiy asoslarini yaratish lozim – Mirziyoyev
Jamiyat
−
09 Sentabr 2021
7541Shavkat Mirziyoyev o‘zining saylovoldi dasturi – Yangi O‘zbekiston strategiyasini o‘qib eshittirish chog‘ida qonuniylik borasidagi muammolarga ham to‘xtaldi. U O‘zbekistonda qonuniylikni qat’iy ta’minlaydigan, ochiq va adolatli yangi prokuraturaning huquqiy asoslarini yaratish lozimligini ta’kidladi.
Shavkat Mirziyoyev odil sudlov, inson qadr-qimmati va huquqlari oliy qadriyat sifatida sud-huquq sohasidagi islohotlarning asosiy mazmuni bo‘lib qolishini ta’kidladi.
Uning qayd etishicha, mansabdor shaxslarning qarorlari ustidan berilgan shikoyatlarni ko‘rib chiqish tizimi takomillashtiriladi.
Ma’muriy sudlarga davlat idoralari tomonidan yetkazilgan zararni qoplash va boshqa huquqiy oqibatlarga oid masalalarni hal qilish vakolati beriladi.
“Endi qaror noqonuniy emasligini sudda isbotlash majburiyati uni qabul qilgan mansabdorning o‘ziga yuklanadi.
20 yil avval qabul qilingan “Prokuratura to‘g‘risida”gi qonun o‘rniga mamlakatda qonuniylikni qat’iy ta’minlaydigan, ochiq va adolatli yangi prokuraturaning huquqiy asoslarini yaratish lozim”, deya ta’kidladi Mirziyoyev.
Shuningdek, fuqarolar huquqlarining kafolatlarini kuchaytirish maqsadid ushlab turilgan shaxslarni hisobga olishning yagona elektron reyestri ishga tushiriladi. Ishga oid ma’lumotlarni reyestrga kiritmaslik ushlab turish va undan keyingi barcha harakatlarni noqonuniy deb topishga asos bo‘ladi.
LiveBarchasi
07 noyabr 2023
07 noyabr 2023
07 noyabr 2023