Abdusattorov xalqaro turnirdagi yurishini boshladi
Sport
−
29 noyabr 2022 3669
Hindistonning Kalkutta shahrida shaxmat bo‘yicha “Tata Steel Chess India 2022” xalqaro turniri start oldi. O‘zbekiston vakili, rapid bo‘yicha amaldagi Jahon chempioni Nodirbek Abdusattorov musobaqadagi ishtirokini boshladi.
Bugun, 29 noyabr kuni turnirda 3 ta tur o‘yinlari bo‘lib o‘tdi.
Dastlabki o‘yinda Abdusattorov mezbonlar shaxmatchisi Arjun Erigaisiga imkoniyatni boy berdi. 2-turda Nodirbek yana bir mezbon sportchi Sarin Nihalga qarshi dona surib, yakunda durangga imzo chekdi. Kun doirasidagi so‘nggi partiyasida o‘zbekistonlik shaxmatchi amerikalik Xikaru Nakamuradan ustun keldi.
3 ta turdan so‘ng Abdusattorov 1,5 ochko bilan 5-o‘rinni band etib turibdi.
Ma’lumot uchun, xalqaro turnir 4 dekabrga qadar davom etadi.
Live
Barchasi07 noyabr 2023
07 noyabr 2023
07 noyabr 2023
