Abduqodir Husanov bir oyog‘i bilan “Manchester Siti”ga o‘tdi
Sport
−
11:5818134
Angliyaning “Manchester Siti” klubi “Lans” va O‘zbekiston terma jamoasi himoyachisi Abduqodir Husanovni sotib olish bo‘yicha jiddiy qadam tashladi. Bu haqda insayder Fabritsio Romano ma’lum qildi.
Fabritsioning so‘zlariga ko‘ra, “shaharliklar” o‘zbekistonlik futbolchini qo‘lga kiritish borasida muzokaralarni davom ettirmoqda. Klubning short-listida Abduqodir Husanov yuqori o‘rinda turibdi. “Shaharliklar” 20 yoshli Husanov uchun 36 million yevro to‘lashga tayyor.
Ma’lumot o‘rnida, 20 yoshli markaziy himoyachi uchun qishki transferlar oynasida Yevropaning bir qancha grand klublari xaridorlar qatorida turibdi. Ular orasida, “Mansester Siti”, “Real”, “Nyukasl”, PSJ kabi klublarni ko‘rish mumkin.
Eslatib o‘tamiz, avvalroq, Husanov uchun kurashga Londonning “Tottenxem” klubi ham qo‘shilgani haqida xabar berilgan edi.
