Abbosbek Fayzullayev RPL ramziy jamoasiga kiritildi

O‘zbekiston milliy terma jamoasi va Moskvaning SSKA klubi a’zosi Abbosbek Fayzullayev Rossiya chempionatining 21 yoshdan katta bo‘lmagan eng qimmat futbolchilar ramziy terma jamoasiga kiritildi. Bu haqda “Championat.com” sayti xabar berdi.

Transfer narxi 5 million yevroni tashkil qiluvchi 20 yoshli Fayzullayev ramziy jamoaning yarim himoyachilari qatoridan joy oldi. Hozirda chempionatning eng qimmat 21 yoshdan katta bo‘lmagan futbolchisi “Dinamo” a’zosi Konstantin Tyukavin hisoblanadi. Uning qiymati 12 million yevroni tashkil qiladi.

Ramziy jamoa:

1. Darvozabon Daniil Xudyakov (“Lokomotiv”, Rossiya) – 1,5 million yevro;
2. Himoyachi Sergey Volkov (“Krasnodar”, Rossiya) – 5 million;
3. Himoyachi Viktor Melyoxin (“Rostov”, Rossiya) – 3,5 million;
4. Himoyachi Andrey Langovich (“Rostov”, Rossiya) – 1,5 million;
5. Himoyachi Daniil Denisov (“Spartak”, Rossiya) – 4 million;
6. Yarim himoyachi Sergey Pinyayev (“Lokomotiv”, Rossiya) – 8 million;
7. Yarim himoyachi Artyom Karpukas (“Lokomotiv”, Rossiya) – 6 million;
8. Yarim himoyachi Abbosbek Fayzullayev (SSKA, O‘zbekiston) – 5 million;
9. Hujumchi Pedro Enrike Silva dos Santos (“Zenit”, Braziliya) – 7 million;
10. Hujumchi Konstantin Tyukavin (“Dinamo», Rossiya) – 12 million;
11. Hujumchi Manfred Ugalde (“Spartak”, Kosta-Rika) – 8 million.

Ma’lumot uchun, Rossiya chempionatining ortda qolgan 21 ta turidan so‘ng SSKA 33 ochko jamg‘arib, 4-o‘rinni band etgan. 41 ochko bilan Sankt-Peterburgning “Zenit” klubi 1-o‘rinni egallab turibdi. Kuchli uchlikdan “Krasnodar” va “Dinamo” klublari joy olgan.