8 oyda hududlardan Toshkentga qancha odam ko‘chib kelgani ochiqlandi
Jamiyat
−
12 Oktabr 2022 14434
2022 yil yanvar-avgust oylarida respublikaning boshqa hududlaridan Toshkent shahriga doimiy yashash uchun ko‘chib kelganlar soni 33 802 kishini tashkil etdi. Bu haqda Davlat statistika qo‘mitasi ma’lum qildi.
Hududlardan Toshkent shahriga ko‘chib kelish, o‘tgan yilning mos davriga nisbatan 4 572 kishiga kamaygan.
Toshkent shahriga ko‘chib kelganlarning:
• Erkaklar – 15 967 kishi;
• Ayollar – 17 835 kishi.
Ma’lumot uchun, joriy yilning 1 iyul holatiga ko‘ra, Toshkent shahrining doimiy aholisi soni 2 mln 909,5 ming kishini tashkil qilgan.
