48 yoshli Totti futbolga qaytadimi?
Sport
−
24 Oktabr 1908
“Roma” afsonasi Franchesko Totti 48 yoshida ham turli klublarda to‘p tepish taklifini oldi. Bu haqda sobiq futbolchining o‘zi ESPN nashriga bergan intervyusida aytdi.
”Menga A Seriya klublari qo‘ng‘iroq qildi. Tan olaman, ularning taklifi meni biroz o‘ylantirdi. Qaytish qiyin bo‘lardi, lekin hayotda hech qachon hech qachon demaslik kerak. Faoliyati tugaganidan keyin yana ko‘p yillar o‘ynagan futbolchilar bor. Agar A Seriyaga qaytadigan bo‘lsam, juda qattiq mashq qilishim kerak edi. Ikki-uch oy ichida tayyor bo‘lardim. Agar aqldan ozdiradigan qarorni qabul qilsam, buni xorijda emas, Italiyada qilaman”, deydi Totti.
Ma’lumot uchun, Totti 2017 yilda futbolchilik faoliyatini yakunlagan. U butun faoliyatini Rimning “Roma” klubiga bag‘ishlagan. Franchesko Italiya terma jamoasi bilan 2006 yilgi jahon chempioni unvonini qo‘lga kiritgan. “Imperator” hali ham professional futbolga qaytish takliflarini olishda davom etmoqda.
Live
Barchasi
